శ్రీ శ్రీ శ్రీ వరాహ లక్ష్మీనరసింహస్వామి వారి దేవస్థానం, సింహాచలం. భక్తిజన సందోహంతో వైభవంగా శ్రీ పైడితల్లి అమ్మవారి పండగ మహోత్సవం 🔹 అమ్మవారికి పట్టు వస్త్రాలు సమర్పించిన ఎమ్మెల్యే గంటా శ్రీనివాసరావు 🔹 అమ్మవారిని దర్శించుకున్న ఎమ్మెల్యే పంచకర్ల రమేష్‌బాబు 🔹 ప్రత్యేక పూజల్లో పాల్గొన్న దేవస్థానం ఈవో జల్లేపల్లి వెంకటరావు దంపతులు 🔹 పులివేషాలు, కేరళ డ్రమ్స్, తప్పెటగుళ్లు, బేతాళ నృత్యాలతో కనువిందు చేసిన సాంస్కృతిక ప్రదర్శనలు 🔹 భక్తులకు అన్ని సౌకర్యాలు కల్పించడంలో దేవస్థాన

                    K.V.SHARMA EDITOR 

సింహాచలం, జూన్ 9, 2026 సింహాచలం శ్రీ వరాహలక్ష్మీనరసింహస్వామి వారి కొండ దిగువన వెలసిన స్వామివారి సహోదరి శ్రీ శ్రీ శ్రీ పైడితల్లి అమ్మవారి పండగ మహోత్సవం మంగళవారం భక్తిశ్రద్ధలతో, అంగరంగ వైభవంగా నిర్వహించబడింది.

 వేలాదిమంది భక్తులు అమ్మవారిని దర్శించుకుని ప్రత్యేక పూజల్లో పాల్గొని అమ్మవారి అనుగ్రహాన్ని పొందారు. పండుగ సందర్భంగా ఆలయ పరిసరాలు భక్తజన సందోహంతో కళకళలాడగా, ఆధ్యాత్మిక వాతావరణం నెలకొంది.

 ఉదయం భీమునిపట్నం శాసనసభ్యులు శ్రీ గంటా శ్రీనివాసరావు అమ్మవారిని దర్శించుకుని పట్టు వస్త్రాలు, పసుపు, కుంకుమలను సమర్పించారు. ఈ సందర్భంగా దేవస్థానం కార్యనిర్వహణాధికారి శ్రీ జల్లేపల్లి వెంకటరావు ఎమ్మెల్యేకు ఆలయ మర్యాదలతో ఘన స్వాగతం పలికారు. అనంతరం ప్రత్యేక పూజలు నిర్వహించి అమ్మవారి ఆశీస్సులు పొందారు.

 తదుపరి దేవస్థానం కార్యనిర్వహణాధికారి శ్రీ జల్లేపల్లి వెంకటరావు దంపతులు అమ్మవారిని దర్శించుకుని పసుపు, కుంకుమలు సమర్పించి ప్రత్యేక అర్చనలు నిర్వహించారు. జాతర మహోత్సవం విజయవంతంగా నిర్వహించేందుకు చేపట్టిన ఏర్పాట్లను స్వయంగా పర్యవేక్షించారు.

పెందుర్తి శాసనసభ్యులు శ్రీ పంచకర్ల రమేష్‌బాబు కూడా అమ్మవారిని దర్శించుకుని ప్రత్యేక పూజల్లో పాల్గొని అమ్మవారి ఆశీస్సులు పొందారు.

పండుగ సందర్భంగా ఆలయ ప్రాంగణం విద్యుద్దీపాల కాంతులతో శోభాయమానంగా అలంకరించబడింది. భక్తులకు ఎలాంటి అసౌకర్యం కలగకుండా ప్రత్యేక క్యూలైన్లు, తాగునీటి సదుపాయాలు, ప్రసాదాల పంపిణీ కేంద్రాలు, పారిశుధ్య నిర్వహణ, భద్రతా ఏర్పాట్లు సమర్థవంతంగా చేపట్టారు.

దేవస్థానం కార్యనిర్వహణాధికారి శ్రీ జల్లేపల్లి వెంకటరావు ఆధ్వర్యంలో ఎగ్జిక్యూటివ్ ఇంజనీరు బండారు రాంబాబు, డిప్యూటీ ఇంజనీర్ ఇంచార్జ్ రామరాజు, తాతాజీ, పర్యవేక్షణాధికారి మూలవాసు పర్యవేక్షణలో ఆలయ ఉద్యోగులు అత్యంత ఉత్సాహంతో సేవలందించారు. భక్తులకు తాగునీరు, ప్రసాదాలు, దర్శన సౌకర్యాలు మరియు ఇతర అవసరమైన సదుపాయాలను కల్పించడంలో ఉద్యోగులు నిరంతరం శ్రమించారు.

 సహాయకార్యనిర్వహణాధికారులు,పర్యవేక్షణాధికారులు, ఆలయ సిబ్బంది సమన్వయంతో సేవలు అందిస్తూ పండుగ నిర్వహణను విజయవంతం చేశారు.

మధ్యాహ్నం మూడు గంటల నుంచి ఆలయ ప్రాంగణంలో పండుగ వాతావరణం మరింత ఉట్టిపడింది. పులివేషాలు, కేరళ డ్రమ్స్, తప్పెటగుళ్లు, బేతాళ నృత్యాలు, జానపద కళారూపాల ప్రదర్శనలు భక్తులను విశేషంగా ఆకట్టుకున్నాయి. సంప్రదాయ కళారూపాల సందడి మధ్య ఆలయ పరిసరాలు ఆధ్యాత్మిక, సాంస్కృతిక వైభవానికి ప్రతీకగా నిలిచాయి.

పులివేషాల విన్యాసాలు, కేరళ డ్రమ్స్ ఘోషలు, తప్పెటగుళ్ల నాదాలు భక్తుల్లో ఉత్సాహాన్ని నింపగా, బేతాళ నృత్యాలు ప్రేక్షకులను అలరించాయి. చిన్నారుల నుంచి పెద్దల వరకు అందరూ ఈ సాంస్కృతిక ప్రదర్శనలను ఆసక్తిగా వీక్షించి ఆనందం వ్యక్తం చేశారు.

ఈ సందర్భంగా కార్యనిర్వహణాధికారి శ్రీ జల్లేపల్లి వెంకటరావు మాట్లాడుతూ, "అమ్మవారి అనుగ్రహంతో పైడితల్లి అమ్మవారి పండగ మహోత్సవం అత్యంత వైభవంగా, ప్రశాంతంగా నిర్వహించగలిగాం. భక్తులకు అన్ని సౌకర్యాలు కల్పించేందుకు దేవస్థానం ప్రత్యేక చర్యలు చేపట్టింది. జాతర విజయవంతానికి సహకరించిన ప్రజాప్రతినిధులు, అధికారులు, ఉద్యోగులు, భక్తులందరికీ అభినందనలు తెలిపారు.

భక్తుల రద్దీతో, ఆధ్యాత్మిక ఉత్సాహంతో, సాంస్కృతిక వైభవంతో నిర్వహించబడిన శ్రీ పైడితల్లి అమ్మవారి పండగ మహోత్సవం భక్తుల హృదయాలలో చిరస్మరణీయంగా నిలిచింది.