విశాఖపట్నం, జూలై 31: అపార్ట్మెంట్లకు, బహుళ అంతస్తుల భవనాలకు ఆక్యుపెన్సీ సర్టిఫికెట్ జారీ చేసే ముందు తప్పనిసరిగా అన్ని అనుమతులు, ధ్రువపత్రాలు, సౌకర్యాలను క్షుణ్ణంగా పరిశీలించాలని జీవీఎంసీ కమిషనర్ కేతన్ గార్గ్ జీవీఎంసీ పట్టణ ప్రణాళిక అధికారులను ఆదేశించారు.
శుక్రవారం ఆయన జీవీఎంసీ పరిధిలోని తూర్పు జోన్ శివాజీ పాలెం రోడ్డులో ఉన్న ఒక అపార్ట్మెంట్ను జీవీఎంసీ సిటీ ప్లానర్ ధనుంజయ రెడ్డి, డిప్యూటీ సిటీ ప్లానర్ హరిదాసు, టిపిఓ ప్రమీలతో కలిసి క్షేత్రస్థాయిలో పరిశీలించారు.
ఈ సందర్భంగా జీవీఎంసీ కమిషనర్ ఫైర్ సేఫ్టీ అనుమతి, స్ట్రక్చరల్ స్టెబిలిటీ సర్టిఫికెట్, ఆమోదిత భవన నిర్మాణ ప్రణాళిక, కంప్లీషన్ నోటీస్, లిఫ్ట్ ఇన్స్టాలేషన్ సర్టిఫికెట్, ఆంధ్రప్రదేశ్ కాలుష్య నియంత్రణ మండలి అనుమతులు తదితర పత్రాలు పూర్తిస్థాయిలో ఉన్నాయా లేదా అనే అంశాలను కమిషనర్ స్వయంగా పరిశీలించారు.
ఈ సందర్భంగా జీవీఎంసీ కమిషనర్ మాట్లాడుతూ సోలార్ విద్యుత్ వ్యవస్థ, రైన్వాటర్ హార్వెస్టింగ్ సెట్ బ్యాక్, డ్రైనేజీ సిస్టం, పచ్చదనం పెంపొందించడం మొదలైనవి సక్రమంగా ఉన్నాయో లేదో పరిశీలించి వారికి ఆక్యుపెన్సీ సర్టిఫికేట్ జారీ చేయాలని పట్టణ ప్రణాళిక అధికారులను ఆదేశించారు.
పౌర సంబంధాల అధికారి,జివిఎంసి.
Comments
Post a Comment