ఆంధ్రవిశ్వవిద్యాలయం: జూలై 7:భారత ప్రభుత్వ ఆరోగ్య మరియు కుటుంబ మంత్రిత్వ శాఖ ద్వారా స్టాటస్టిక్స్ విభాగం ఆంధ్ర విశ్వవిద్యాలయం నందు నెలకొల్పబడిన జనాభా పరిశోధన కేంద్రం (పాపులేషన్ రీసెర్చ్ సెంటర్) ఆధ్వర్యంలో ప్రపంచ జనాభా దినోత్సవం - 2026 పురస్కరించుకొని విశ్వవిద్యాలయం మరియు అనుబంధ కళాశాల విద్యార్థులకు వ్యాసరచన మరియు వక్తృత్వ పోటీలు నిర్వహించడం జరిగింది.
ఈ పోటీలలో వివిధ కళాశాలలుకు చెందిన సుమారు 150 మంది విద్యార్థులు పాల్గొనగా వివిధ విభాగాలకు చెందిన విదేశీ విద్యార్థులు కూడా ఈ పోటీల్లో చురుగ్గా పాల్గొనడం గమనార్హం. ఈ వ్యాసరచన మరియు వక్తృత్వ పోటీలకు ఆంధ్ర విశ్వవిద్యాలయం ఆర్ట్స్ మరియు లా కళాశాలలకు చెందిన సహాయ ఆచార్యులు డాక్టర్ కే. పల్లవి, డాక్టర్ బి. లక్ష్మయ్య మరియు డాక్టర్ బి. సుబ్బయ్య తదితరులు న్యాయ నిర్ణీతలుగా వ్యవహరించారు.
ఈ కార్యక్రమంలో జనాభా పరిశోధన కేంద్రం డైరెక్టర్ మరియు స్టాటస్టిక్స్ విభాగాధిపతి ఆచార్య బి. మునిస్వామి, పరిశోధన కేంద్రం రీసెర్చ్ ఇన్వెస్టిగేటర్ డాక్టర్ యడ్ల రమణ, మరియు స్టాటిస్టిక్స్ విభాగ ఆచార్యులు, పరిశోధకులు, విద్యార్థులు, బోధ నేతల సిబ్బంది పాల్గొనడం జరిగింది.
Comments
Post a Comment