WRRT 356 ఆధ్వర్యంలో ఉచిత అన్నదానం ప్రారంభం....

WRRT 356 ఆధ్వర్యంలో శ్రీ స్వామి వివేకానంద సంస్థ సహకారంతో, వారంలో 3రోజులు మధ్యాహ్న సమయంలో ఉచిత అన్నదానం నిర్వహిస్తున్నారు. గతంలో రౌండ్ టేబుల్ సంస్థ వారు గోషా ఆస్పత్రిలో పేషంట్ల సహాయకులకు  నాణ్యమైన భోజనాన్ని అందించేవారు. ఈ క్రమంలో పేదవారికి మంచి భోజనాన్ని అందించే ఉద్దేశంతో వివేకానంద సంస్థ వారి సహకారంతో ఈ నారాయణ సేవలు అందిస్తున్నామని తెలియచేశారు. ఆంధ్ర, తెలంగాణ ఉమ్మడి రాష్ట్రాల మాజీ చైర్మన్ మక్సుద్ అహ్మద్ గారు ఈ కార్యక్రమాన్ని ప్రారంభించారు. పేద విద్యార్థులకు స్కాలర్ షిప్పులు, స్కూల్ కి వెళ్లడానికి సైకిళ్ళు, పేద మహిళలకు కుట్టుమిషన్లు అందించారని, వారి సేవలు చాలా అభినందనీయమని, ఈ సందర్భంగా రౌండ్ టేబుల్ సంస్థ సభ్యులను కొనియాడారు. ఈ కార్యక్రమంలో సంస్థ నిర్వాహకులు అప్పారావు, సభ్యులు పాల్గొన్నారు.