జనన, మరణ నమోదులో పలు నియమాలు - జీవీఎంసీ ప్రధాన వైద్యాధికారి డాక్టర్ నరేష్ కుమార్

 విశాఖపట్నం ఫిబ్రవరి 25: జనన-మరణాల నమోదు చట్టం 1969 యొక్క సెక్షన్ 30 ద్వారా ప్రదతమైన అధికారాలను వినియోగించి కేంద్ర ప్రభుత్వం అనుమతితో ఆంధ్ర ప్రదేశ్ ప్రభుత్వం 1999 నాటి ఆంధ్రప్రదేశ్ జనన - మరణాల నమోదు నియమాలను రద్దుచేసి 2025 జనన మరియు మరణాల నమోదు నియమాలు. ఆంధ్రప్రదేశ్ గజిట్ నోటిఫికేషన్ ప్రచురణ ద్వారా తేదీ 17.02.2026 నుండి పలు నియమాలు గ్రేటర్ విశాఖపట్నం మున్సిపల్ కార్పొరేషన్ పరిధిలో జనన, మరణాల నమోదు నిమిత్తం అమల్లోకి వచ్చిందని జీవీఎంసీ కమిషనర్ కేతన్ గార్గ్ ఆదేశాల మేరకు జీవీఎంసీ ప్రధాన వైద్యాధికారి ,జనన మరణ ప్రిన్సిపల్ రిజిస్టర్ డాక్టర్ ఈ ఎన్ వి నరేష్ కుమార్ బుధవారం పత్రికా ప్రకటన ద్వారా తెలియజేశారు

ప్రభుత్వం పొందుపరిచిన నియమాలు కానీ ,జరిగిన జననం/ మరణములు, పుట్టిన /మరణించిన తేదీ నుండి 21 రోజులలో ఉచితంగా నమోదు చేస్తారని, ఇంటి వద్ద కానీ, ఆసుపత్రిలో గాని జరిగిన జనన మరణములు పుట్టిన/ మరణించిన తేదీ నుండి 21 రోజుల నుండి 30 రోజుల్లోపు రూ.25/- ఆలస్య రుసుం చెల్లించి నమోదు చేసుకోవాలని, 30 రోజుల నుండి ఒక సంవత్సరంలోపు రూ. 250/- ఆలస్య రుసుము చెల్లించి నమోదు చేసుకోవచ్చని, ఒక సంవత్సరము తర్వాత రూ. 500/- ఆలస్యం రుసుము చెల్లించి నమోదు చేసుకునే అవకాశం ఉందన్నారు. పుట్టిన బిడ్డ జననం నమోదు చేసిన తర్వాత ఒక సంవత్సరంలోపు ఉచితంగా శిశువు పేరును నమోదు చేసుకునే అవకాశం ఉందని, ఒక సంవత్సరం నుండి 15 సంవత్సరాలలోపు రూ. 250/- ఆలస్య రుసుము చెల్లించి శిశువు పేరును నమోదు చేసుకోవచ్చన్నారు.

జనన మరణ ధ్రువీకరణ పత్రాలు జారీ చేయుటకు లేదా లభ్యత లేని ధ్రువపత్రాలు (non availability certificate) కొరకు జననం మరణం శోధన చేసేందుకు ఒక సంవత్సరమునకు రూ. 50/- చెల్లించి నాన్ అవైలబిలిటీ సర్టిఫికేట్ పొందవచ్చునని, అదనపు సంవత్సరం శోధన చేయుటకు రూ. 25/- రూపాయలు చెల్లించి non availability certificate పొందవచ్చునని తెలిపారు. ప్రతి జనన లేదా మరణముకు సంబంధించిన ధ్రువపత్రం పొందుటకు జీవీఎంసీ సౌకర్యం కౌంటర్ లో రూ. 50/-  చెల్లించి రసీదు తో పాటు సంబంధిత డాక్యుమెంట్లను  కూడా జత పరిచి జనన మరణ ధ్రువీకరణ పత్రం పొందవచ్చునని ప్రధాన వైద్యాధికారి తెలిపారు.

                పౌర సంబంధాల అధికారి,జీవీఎంసీ