సెయింట్ జోసెఫ్ కళాశాల, జ్ఞానాపురం , డిపార్ట్మెంట్ ఆఫ్ జువాలజీ లో “నేషనల్ సైన్స్ డే” సంబరాలు”

జాతీయ విజ్ఞాన దినోత్సవం సందర్భంగా జంతుశాస్త్ర విభాగం ఆధ్వర్యంలో ప్రత్యేక కార్యక్రమంనేషనల్ సైన్స్ డే”(జాతీయ విజ్ఞాన దినోత్సవాన్ని) 

ఫిబ్రవరి 28న  పురస్కరించుకుని కళాశాల జంతుశాస్త్ర విభాగం ఆధ్వర్యంలో “విజ్ఞానంలో మహిళలు – వికసిత భారత్‌కు ప్రేరణ” అనే అంశంపై ప్రత్యేక కార్యక్రమం ఘనంగా నిర్వహించబడింది. ఈ కార్యక్రమం ద్వారా విజ్ఞాన రంగంలో మహిళల పాత్ర, వారి కృషి మరియు దేశాభివృద్ధిలో వారి సేవలను విద్యార్థులకు పరిచయం చేయడం లక్ష్యంగా పెట్టుకున్నారు.

కార్యక్రమంలో భాగంగా విద్యార్థులు ప్రముఖ మహిళా శాస్త్రవేత్తల వేషధారణలో పాల్గొని, వారి జీవిత విశేషాలు మరియు శాస్త్రానికి అందించిన విశిష్ట సేవలను వివరించారు. మహిళా శాస్త్రవేత్తలు ఎదుర్కొన్న సవాళ్లు, సాధించిన విజయాలు మరియు సమాజానికి అందించిన శాస్త్రీయ అవిష్కరణలను విద్యార్థులు చక్కగా వివరిస్తూ అందరినీ ఆకట్టుకున్నారు.

అధ్యాపకులు విజ్ఞాన రంగంలో మహిళల భాగస్వామ్యం పెరగడం దేశ పురోగతికి ఎంత ముఖ్యమో వివరించారు. ఈ కార్యక్రమంలో జంతుశాస్త్ర విభాగాధిపతి డా. ఈ. హరిణి గారితో డా. రోసినా జార్జ్ ,డా. స్నేహ , డా. రామ్ కుమార్, పాల్గొని విద్యార్థులను ప్రోత్సహించారు.

ఈ సందర్భంగా విద్యార్థులు విజ్ఞాన పరిశోధనల పట్ల ఆసక్తి కనబరిచి, భవిష్యత్తులో శాస్త్రవేత్తలుగా ఎదగాలని సంకల్పించారు. కార్యక్రమం విజయవంతంగా నిర్వహించబడగా, పాల్గొన్న విద్యార్థులు మరియు అధ్యాపకులను కళాశాల యాజమాన్యం అభినందించింది.