సెయింట్ జోసెఫ్ కళాశాలలో ది జాయ్స్ ఆఫ్ గివింగ్ అండ్ లివింగ్ – గ్రంథావిష్కరణ

విశాఖ: విశాఖ సందేశం: ఆఫీస్ మేనేజ్‌మెంట్ విభాగ పూర్వ అధ్యక్షులు  కీర్తి శేషులు

డి.ఏ. రమణి రచించిన“ది జాయ్స్ ఆఫ్ గివింగ్ అండ్ లివింగ్ – మెమరీస్ రీకౌంటెడ్” గ్రంథావిష్కరణ కార్యక్రమం ఫిబ్రవరి 26వ తేదీ గురువారం ఉదయం 10 గంటలకు జ్ఞానాపురంలోని సెయింట్ జోసెఫ్ మహిళా కళాశాలలో ఘనంగా నిర్వహించబడింది.

విశాఖపట్నం ఆర్చ్‌బిషప్ ఎమిరిటస్ మోస్ట్ రేవ్. ఎం. ప్రకాష్ గ్రంథాన్ని ఆవిష్కరించారు. అనంతరం మొదటి ప్రతిని రమణి తల్లి గారికి అందజేశారు. ఈ సందర్భం సభలో భావోద్వేగ వాతావరణాన్ని నెలకొల్పింది.

కళాశాల ప్రిన్సిపాల్ డా. సిస్టర్ షైజీ, ప్రొవిన్షియల్ సుపీరియర్ సిస్టర్ మార్గరెట్ మేరీ  తదితరులు రమణి కళాశాలకు అందించిన విశిష్ట సేవలను స్మరించుకున్నారు. ఆమె క్రమశిక్షణ, అంకితభావం, విద్యార్థుల పట్ల చూపిన మమకారం గురించి విశదీకరించారు.రమణి ధనరాజ్ సెయింట్ జోసెఫ్ మహిళా కళాశాలలో 36 సంవత్సరాల పాటు విశేష సేవలందించారు. ఆమె ఇటీవల క్యాన్సర్ వ్యాధితో కన్నుమూశారు. ఆమె జన్మదినాన్ని పురస్కరించుకుని ఆమె సహోదరులు ఈ గ్రంథాన్ని విడుదల చేశారు.

ఆమె ఉపాధ్యాయులు, బంధువులు, సహచరులు, సహోద్యోగులు, స్నేహితులు మరియు విద్యార్థులు ఆమెతో ఉన్న అనుభవాలను పంచుకుంటూ ఆమె సాదాసీదా స్వభావం, సేవాభావం, ఆత్మీయతను , అంకితభావాన్ని స్మరించుకున్నారని కళాశాల పీ ఆర్ వో డాక్టర్ పి కె జయలక్ష్మి తెలిపారు. రాణి థనరాజ్ వందన సమర్పణలో కార్యక్రమం హృద్యంగా సాగింది. అనంతరం భోజన విందు ఏర్పాటు చేశారు.

                           కె. వి. శర్మ, ఎడిటర్,