కిడ్నీ బాధితునికి రూ. 30 వేలు ఆర్థిక సహాయం చేసిన మంత్రి సుభాష్

రామచంద్రపురం, విశాఖ సందేసం...రెండు కిడ్నీలు పాడై ఆర్థిక సమస్యలతో అల్లాడుతున్న ఒక నిరుపేద కుటుంబానికి రాష్ట్ర కార్మిక శాఖ మంత్రి వాసంశెట్టి సుభాష్ అండగా నిలిచి ఆర్థిక సహాయం చేసి  ఆదుకున్నారు. వివరాల్లోకి వెళితే డాక్టర్ బి.ఆర్ అంబేద్కర్ కోనసీమ జిల్లా ముమ్మిడివరం నియోజకవర్గం ఐ. పోలవరం మండలం కేసనకూరు పాలెం గ్రామానికి చెందిన వాసంశెట్టి శ్రీనివాస్ తన రెండు కిడ్నీలు పాడై అత్యవసర చికిత్స పొందుతున్నాడు. శ్రీనివాస్ కుటుంబ ఆర్థిక పరిస్థితిని స్థానిక కూటమి పార్టీ నాయకులు మంత్రి సుభాష్ దృష్టికి తీసుకువచ్చారు. వారి ధీనస్థితికి స్పందించిన మంత్రి సుభాష్ తక్షణ సహాయంగా రూ. 30 వేలు చెక్కును ఆర్థిక సహాయంగా అందించారు. తమ పరిస్థితిని అర్థం చేసుకుని ఆర్థిక సహాయం అందించిన మంత్రి సుభాష్ కు శ్రీనివాస్ ఆయన భార్య రేఖ, కూటమి పార్టీ నాయకులు కృతజ్ఞతలు తెలియజేశారు.