అభినందన సభలో ఉపసర్పంచ్ సత్యనారాయణ మాస్టర్ ఆవేదన... సర్పంచ్, పాలకవర్గంకు ఘనంగా సన్మానం...

అమలాపురం, విశాఖ సందేసం....పేరూరు గ్రామ ప్రజలు, పంచాయతీ సిబ్బంది, నాలుగు  సచివాలయాల సిబ్బంది సాక్షిగా  పేరూరు గ్రామ పంచాయతి ఉప సర్పంచ్ కూడుపూడి సత్యనారాయణ (డ్రాయింగ్ మాస్టర్ ) ఆవేదన వ్యక్తం చేశారు.  ఉప సర్పంచ్ కూడుపూడి సత్యనారాయణ మాస్టారు, పాలకవర్గం సభ్యుల పదవి కాలం త్వరలో ముగుస్తుందునా పంచాయతీ కార్యదర్శి రామన్న ఆధ్వర్యంలో అభినందన సభను ఉప సర్పంచ్ వేదికగా చేసుకుని అసంతృప్తి వ్యక్తం చేశారు. ఉప సర్పంచ్ అయిన నా వార్డు ప్రజలకు సేవా చేసేందుకు నేను ప్రయత్నం చేస్తే అడ్డుకున్నారని అన్నారు. 

అనంతరం సర్పంచ్ దంపతులు దాసరి అరుణ డేవిడ్, ఉప సర్పంచ్ కూడుపూడి సత్యనారాయణ మాస్టారు, పాలకవర్గం సభ్యులను పంచాయతీ సిబ్బంది, సచివాలయల సిబ్బంది పూలమాలలు వేసి దుస్సాలువాలతో ఘనంగా సన్మానించారు. సర్పంచ్ అరుణ మాట్లాడుతూ గ్రామ అభివృద్ధికి సహకరించిన ప్రజాప్రతినిధులు, గ్రామ ప్రజలు, ఉద్యోగ సిబ్బందికి ప్రత్యేక కృతజ్ఞతలు తెలియజేశారు. ఈ కార్యక్రమంలో ఎంపీటీసీలు దొంగ ఆంజనేయులు, వాసంశెట్టి  శ్రీనివాస్, చొల్లంగి సుబ్బిరామ్, సుధా గణపతి అధిక సంఖ్యలో గ్రామ ప్రజలు పాల్గొన్నారు