భారీ గోధుమ త్రాచు పామును బందించిన స్నేక్ కేచర్ గణేష్ వర్మ

పి. గన్నవరం, విశాఖ సందేసం అయినవిల్లి మండలం మాగాపువారిపేట గ్రామంలో గత మూడు రోజులుగా ప్రజలను భయభ్రాంతులకు గురిచేస్తున్న ఐదు అడుగుల భారీ గోధుమ త్రాచు  పాము ఎట్టకేలకు పట్టుబడింది. జనావాసాల్లోకి ప్రవేశించిన ఈ పాము ఎప్పుడు ఎటువైపు నుండి వస్తుందోనని స్థానికులు కంటిమీద కునుకు లేకుండా గడిపారు. సమాచారం అందుకున్న భీమనపల్లికి చెందిన స్నేక్ క్యాచర్ గణేష్ వర్మ, శుక్రవారం ఆ పామును అత్యంత చాకచక్యంగా పట్టుకుని డబ్బాలో బంధించారు. దీంతో గ్రామస్తులు ఊపిరి పీల్చుకోవడమే కాకుండా, ధైర్యంగా ముందుకు వచ్చి పామును పట్టుకున్న గణేష్ వర్మను అభినందించారు.