అమలాపురంలో మెకానిక్, ఆటోమొబైల్ షాపులు బంద్...... సీనియర్ మెకానిక్ సూర్య ప్రకాశరావు మృతికి సంతాపం...

అమలాపురం, విశాఖ సందేసం....అమలాపురంలోని శ్రీ సిద్ది వినాయక మోటార్ సైకిల్ మెకానిక్స్ వెల్ఫేర్ అసోసియేషన్ సీనియర్ మెకానిక్ కాండ్రేగుల సూర్య ప్రకాశరావు  అకాల  మరణం చెందారు. సీనియర్ మెకానిక్  సూర్య ప్రకాష్ మెకానిక్స్ యూనియన్ అభివృద్ధికి శక్తి వంచన లేకుండా కృషి చేశారు.ప్రకాశరావు మృతి పట్ల మెకానిక్స్ యూనియన్ సభ్యులు ప్రగాఢ సంతాపం వ్యక్తం చేశారు. బౌతిక ఖాయాన్ని సందర్శించి నివాళులు అర్పించారు.

అమలాపురం పట్టణం మరియు రూరల్ మండలం పరిధిలో   మెకానిక్ షాపులతో పాటు టూ వీలర్ ఆటో మొబైల్ షాపులు సైతం అన్నీ మూసివేసి పూర్తి బంద్ పాటించారు. అనంతరం స్థానిక గడియారం స్తంభం సెంటర్లో జరిగిన సంతాప సభలో ప్రకాశరావు  చిత్ర పటానికి పూల మాలలు వేసి ఘనంగా  నివాళులు అర్పించి  మౌనం పాటించారు. ఈ కార్యక్రమంలో సాధనాల సత్తిబాబు, పట్నాల రమణ, కాండ్రేగుల కృష్ణ, నల్లా శ్రీనివాస్, గోకరకొండ పూర్ణ బాల, గుమ్మళ్ళ శ్రీను, కూర్మా నరసింహరావు, పెదపూడి శ్రీను తదితరులు పాల్గొన్నారు.