గ్లాకోమా గురించి అవగాహన ర్యాలీ

విశాఖపట్నం 8 మార్చి 2026: 1987లో స్థాపించబడిన LV ప్రసాద్ నేత్ర వైద్య శాల (LVPEI) ఆంధ్రప్రదేశ్, తెలంగాణ, కర్ణాటక మరియు ఒడిశా రాష్ట్రాలలో పటిష్టమైన నెట్ వర్క్ కలిగిన పేరొందిన నేత్ర వైద్యశాల. ప్రపంచ గ్లాకోమా వారోత్సవాన్ని పురస్కరించుకుని, రామకృష్ణా బీచ్ రోడ్‌లోని కాళీమాత గుడి  జంక్షన్ నుండి YVMC వరకు గ్లాకోమా అవగాహన నడకను LV ప్రసాద్ నేత్ర వైద్య శాల (LVPEI) నిర్వహించినది. ఈ కార్యక్రమంలో సుమారు 250 మంది పాల్గొన్నారు. పిన్నలను పెద్దలను ఇరువురిని రహస్యంగా ప్రభావితం చేసే కంటి వ్యాధి గ్లాకోమాపై అందరికి అవగాహన కలిగించుటకు  ఎల్ వి ప్రసాద్ నేత్ర వైద్య సంస్థ (LVPEI) తన నెట్‌వర్క్ హాస్పటల్స్ పరిధిలో అనేక కార్యక్రమాలు నిర్వహించుటకు ప్రణాళిక రూపొందించినది. వరల్డ్ గ్లాకోమా అసోసియేషన్ (WGA) మరియు వరల్డ్ గ్లాకోమా పేషెంట్స్ అసోసియేషన్ (WGPA) వారి ప్రేరణతో వరల్డ్ గ్లాకోమా వారోత్సవం నిర్వహిస్తారు. ఈ సంవత్సరం థీమ్ బాల్య గ్లాకోమా మరియు స్టెరాయిడ్-ప్రేరిత గ్లాకోమ

      గ్లాకోమా కంటికి  ఒత్తిడి పెరగడం వలన  ఉత్పన్నమయ్యే కంటి సమస్య మరియు ఇది ఆప్టిక్ నరాలను దెబ్బతీయటం ద్వారా అంధత్వానికి దారితీస్తుంది. ఈ వ్యాధిని గుర్తించటంలో జాప్యం కారణంగా అంధత్వంకు గురవుతున్నట్లు చెపుతున్నారు.  గ్లాకోమా ఉన్నవారిని వారు అంధులుగా మారటం మొదలైతేనే వ్యాధిని గుర్తించటం జరుగుతుంది.2040 నాటికి గ్లాకోమా రోగుల సంఖ్య 76 మిలియన్ల నుండి 111.8 మిలియన్లకు పెరుగుతుందని ప్రపంచ అంచనాలు చెపుతున్నాయి.  గ్లాకోమా తో బాధపడుతున్న వారు ఆఫ్రికా మరియు ఆసియాలో ఎక్కువగా  ఉన్నారు. మనదేశంలో  సుమారు 12 మిలియన్ల మంది గ్లాకోమాతో బాధపడుతున్నారు,             గ్లాకోమా అవగాహన నడక సందర్భంగా డాక్టర్ శివాని కొడాలి, గ్లాకోమా కన్సల్టెంట్,  GMR వరలక్ష్మి క్యాంపస్‌, విశాఖపట్నం వారు మాట్లాడుతూ  రోగికి సరియైన అవగాహన లేకపోవటం వలన  గ్లాకోమా చాలా ప్రమాదకరమైన పరిస్థితిగా మారుతుంది అన్నారు ఇది లక్షలాది మంది రోగులలో కోలుకోలేని దృష్టి లోపానికి దారితీస్తుంది అని, ఈ వ్యాధిని ఎదుర్కోవడంలో ముందస్తుగా గుర్తించడం, నివారణ మరియు చికిత్స కీలకమైన అంశాలు"  అన్నారు. రాబోయే కొన్ని దశాబ్దాలలో కంటి గాయాలు బాధాకరమైన గ్లాకోమా లేదా ద్వితీయ గ్లాకోమాకు దారితీయవచ్చు, కాబట్టి మీ కళ్ళను గాయం నుండి రక్షించుకోవడం గ్లాకోమాను నివారించడానికి మరొక మార్గం అన్నారు.

      

      రక్తస్రావం వల్ల పుట్టిన పిల్లలలో బాల్య గ్లాకోమా ఎక్కువగా కనిపిస్తుంది.కళ్ళు పెద్దవిగా లేదా మసకబారడం, కళ్ళు ఎర్రబడటం,కళ్ళు నీళ్ళు కారడం, వెలుగు చూడలేక కళ్ళు మూసు కోవటం వంటి లక్షణాలు కనిపిస్తే నేత్ర వైద్యులను సంప్రదించాలి. శరీరంలోని వివిధ రకాల వ్యాధులకు స్టెరాయిడ్లు ఒక సాధారణ చికిత్స. వాటి విచక్షణారహిత మరియు దీర్ఘకాలిక ఉపయోగం స్టెరాయిడ్-ప్రేరిత గ్లాకోమాకు దారితీస్తుంది.  ఐ డ్రాప్స్ , ఆయింట్‌మెంట్లు, ఇన్హేలర్లు, టాబ్లెట్లు మరియు ఇంజెక్షన్ల వంటి అనేక మందులలో స్టెరాయిడ్లు ఉండవచ్చును ఉండవచ్చు. ఏదైనా రూపంలో స్టెరాయిడ్లను ఉపయోగించే ప్రతి ఒక్కరూ ప్రతి ఆరు నెలల నుండి ఒక సంవత్సరం వరకు సమగ్ర కంటి పరీక్ష చేయించుకోవాలి.