కేంద్ర క్రీడల శాఖ మంత్రి మన్సుఖ్ మాండవీయ ను కలిసిన ఎంపీ హరీష్ బాలయోగి…

 

అమలాపురం, విశాఖ సందేసం.కేంద్ర యువజన వ్యవహారాలు మరియు క్రీడల శాఖ మంత్రి మన్సుఖ్ మాండవీయ ను, కేంద్ర పౌర విమానయాన మంత్రి రామమోహన్ నాయుడు మరియు శాప్  చైర్మన్ రవి నాయుడులతో కలసి అమలాపురం ఎంపీ హరీష్ బాలయోగి మర్యాదపూర్వకంగా కలిశారు. మన రాష్ట్ర ముఖ్యమంత్రి నారా చంద్రబాబు నాయుడు దూరదృష్టితో తిరుపతిలో ప్రతిపాదించిన నేషనల్ సెంటర్ ఆఫ్ ఎక్సలెన్స్ ఫర్ స్పోర్ట్స్‌ను ప్రపంచ స్థాయి హై-పర్ఫార్మెన్స్ హబ్‌గా అభివృద్ధి చేయాలనే అంశంపై చర్చించారు. అలాగే ఖేలో ఇండియా నిధులను త్వరిగతిన విడుదల చేయాలని విజ్ఞప్తి చేయాలని మరియు 

క్రీడా, పర్యాటకాన్ని ప్రోత్సహించేందుకు అరకు వ్యాలీలో అంతర్జాతీయ ట్రైల్ రన్ నిర్వహణను ప్రతిపాదించడం జరిగింది. అదనంగా, డా. బి.ఆర్. అంబేద్కర్ కొనసీమ జిల్లా అమలాపురంలో జీఎంసీ బాలయోగి స్టేడియానికి ఖేలో ఇండియా పథకం ద్వారా మౌలిక వసతుల మంజూరు చేయాలని కోరడంతో పాటు, ఈ సందర్భంలో మాజీ లోక్‌సభ స్పీకర్ జి.ఎం.సి. బాలయోగి రానున్న 75వ జయంతిని గురించి చర్చించినట్లు ఎంపీ తెలిపారు. మంత్రి మన్సుఖ్ మాండవీయ సానుకూలంగా స్పందించి, ఆంధ్రప్రదేశ్‌కు ప్రాధాన్యతతో సహకారం అందిస్తామని హామీ ఇచ్చినట్లు ఎంపీ హరీష్ బాలయోగి వెల్లడించారు.