సత్య సాయి సేవా సంస్థలు, విశాఖ జిల్లా శ్రీ సత్య సాయి యువజన విభాగం (యువత) *దీనుల సేవలో దైవ దర్శనం – ఆంధ్రప్రదేశ్ యువజన పర్తి యాత్రలో భాగంగా విశాఖ జిల్లా శ్రీ సత్యసాయి యువత సంచార ఆర్త జనోద్ధరణ సేవ*
స్వామివారి దివ్య ఆశీస్సులతో ఈ సేవా కార్యక్రమం అగనంపూడి, కుర్మన్నపాలెం, కేవీకే మందిరం, పెదగంట్యాడ, పంతులగారి మేడ, మింది తో పాటు నగరంలోని మరిన్ని ప్రాంతాలలో ఈ ఆర్త జనోద్ధరణ సేవ నిర్వహించబడింది.
విశాఖపట్నం జిల్లా శ్రీ సత్యసాయి యువత, మానసికంగా అస్వస్థతతో నిరాధారంగా జీవిస్తూ, అనేక నెలలుగా స్నానం చేయక జుట్టు పెరిగిపోయిన వ్యక్తులను గుర్తించి, వారిని ప్రేమతో చేరదీసి సేవా కార్యక్రమాలు నిర్వహించారు.
సమాజంలోని నిరుపేదలు, నిరాధారుల జీవితాల్లో మార్పు తీసుకురావాలనే మహోన్నత సంకల్పంతో విశాఖ యువత ఎంతో ప్రేమతో, అంకితభావంతో ఈ సేవను నిర్వహించారు. ముఖ్యంగా యువత స్వయంగా ముందుకు వచ్చి జుట్టు కత్తిరించడం, గడ్డం తీయడం (టాన్సరింగ్) వంటి సేవలను నేర్చుకొని స్వయంగా నిర్వహించడం ఈ కార్యక్రమానికి ప్రత్యేకతను తీసుకువచ్చింది.
అనంతరం వారికి వెచ్చని నీటితో స్నానం చేయించి, శుభ్రమైన దుస్తులు అందజేసి, గాయాలు మరియు చర్మవ్యాధులకు ఆయింట్మెంట్లు పూసి, వారి ఆరోగ్యం మరియు గౌరవాన్ని పునరుద్ధరించారు. తదుపరి వారికి ప్రేమతో మహాప్రసాద భోజనం అందజేయడం జరిగింది.
ఈ సంచార ఆర్త జనోద్ధరణ సేవ కేవలం సేవా కార్యక్రమం మాత్రమే కాక, భగవాన్ శ్రీ సత్యసాయి బాబా వారు బోధించిన “అందరినీ ప్రేమించు – అందరినీ సేవించు” అనే మహావాక్యానికి సజీవ రూపంగా నిలిచింది.
ఈ మహత్తర సేవా కార్యక్రమంలో విశాఖ జిల్లా యువత పెద్ద సంఖ్యలో పాల్గొని, నిజమైన ఆధ్యాత్మికత నిస్వార్థ సేవలోనే ఉందని చాటిచెప్పారు
Comments
Post a Comment