అమలాపురంలో ‘జాదూగర్ సికిందర్’ ఇంద్రజాల విన్యాసాల హోరు.. నేటి నుండే మ్యాజిక్ షోలు.. అబ్బురపరిచే ‘డైనోసార్ భ్రమ’, ‘బెర్ముడా ట్రయాంగిల్’ విన్యాసాలు

అమలాపురం, విశాఖ సందేసం... డా. బిఆర్  అంబేద్కర్ కోనసీమ జిల్లా ప్రజలకు అద్భుతమైన వినోదాన్ని అందించేందుకు ప్రపంచ ప్రఖ్యాతి గాంచిన మెజీషియన్ సూపర్ స్టార్ జాదూగర్ సికిందర్ అమలాపురం చేరుకున్నారు. స్థానిక కలెక్టరేట్ ఎదురుగా ఉన్న అంబేద్కర్ కమ్యూనిటీ హాల్ వేదికగా నేటి నుండి ఈ మ్యాజిక్ షోలు ప్రారంభం కానున్నాయి.రాబోయే 20 రోజుల పాటు ప్రతిరోజూ రెండు ప్రదర్శనలు ఉంటాయి.​మొదటి షో: సాయంత్రం 5:00 గంటల నుండి 7:00 వరకు

రెండవ షో: రాత్రి 7:00 గంటల నుండి 9:00 వరకు. షోలు ఏర్పాటు చేశామని తెలిపారు.గతంలో ముంబై, ఢిల్లీ, హైదరాబాద్ వంటి మహానగరాల్లో 10 వేలకు పైగా ప్రదర్శనలు ఇచ్చి ప్రేక్షకులను మంత్రముగ్ధులను చేసిన సికిందర్ బృందం, ఇప్పుడు అమలాపురం ప్రేక్షకులను అలరించనుంది.ఈ షోలో ప్రత్యేకంగా ‘డైనోసార్ భ్రమ’ , రహస్యాలతో కూడిన ‘బెర్ముడా ట్రయాంగిల్’ ప్రభావం మరియు గగుర్పాటు కలిగించే వినూత్న ఇంద్రజాల విన్యాసాలు ప్రదర్శించనున్నారు. వీటితో పాటు కడుపుబ్బ నవ్వించే ‘కామెడీ మ్యాజిక్’ కూడా ప్రేక్షకులకు ప్రత్యేక అనుభూతిని ఇవ్వనుంది.​ఈ ప్రదర్శనలకు సంబంధించిన ఏర్పాట్లపై ఆర్గనైజర్ ఏ.కే. బాబు మాట్లాడుతూ.. కొత్త శైలి,సరికొత్త అనుభవంతో ప్రతిరోజూ రెండు షోలు నిర్వహిస్తున్నామని తెలిపారు. 

కోనసీమ జిల్లా ప్రజలు, విద్యార్థులు పెద్ద ఎత్తున తరలివచ్చి ఈ అంతర్జాతీయ స్థాయి ప్రదర్శనను తిలకించాలని ఆయన కోరారు. ఇప్పటికే ఈ కార్యక్రమానికి సంబంధించిన అన్ని ఏర్పాట్లు పూర్తి కావడంతో అమలాపురంలో మ్యాజిక్ సందడి మొదలైంది.

ప్రదర్శన సమయాలు మరియు టిక్కెట్ల వివరాల కోసం నేరుగా అంబేద్కర్ కమ్యూనిటీ హాల్ వద్ద సంప్రదించవచ్చని తెలిపారు.