కాంగ్రెస్ పార్టీ ఆధ్వర్యంలో ఘనంగా జాతీయ మహిళా దినోత్సవ వేడుకలు* *ఏపీ కాంగ్రెస్ పార్టీ రాష్ట్ర ప్రధాన కార్యదర్శి పాచిపెంట శాంతకుమారి గారికి ఘన సన్మానం*

అల్లూరి సీతారామరాజు జిల్లా, అరకు వేలి మండలం హట్టగూడ గ్రామంలో అరకు వేలి మండల మహిళా కాంగ్రెస్ అధ్యక్షురాలు శ్రీమతి గొల్లూరి పద్మ గారి గృహంలో కాంగ్రెస్ పార్టీ ఆధ్వర్యంలో అంతర్జాతీయ మహిళా దినోత్సవాన్ని ఘనంగా నిర్వహించారు.ఈ కార్యక్రమానికి ముఖ్య అతిథిగా హాజరైన ఏపీ కాంగ్రెస్ పార్టీ రాష్ట్ర ప్రధాన కార్యదర్శి శ్రీమతి పాచిపెంట శాంతకుమారి గారికి పుష్పగుచ్చం అందజేసి, దుశలువ కప్పి స్థానిక మహిళలు, గ్రామస్థులు ఘనంగా సన్మానం చేశారు.

ఈ సందర్భంగా శాంతకుమారి గారు మాట్లాడుతూ, సమాజంలో మహిళలకు సమాన హక్కులు, గౌరవం కల్పించాల్సిన అవసరం ఉందని పేర్కొన్నారు. మహిళలపై జరుగుతున్న దాడులు, అన్యాయాలను తక్షణమే అరికట్టాలని కేంద్ర మరియు రాష్ట్ర ప్రభుత్వాలను డిమాండ్ చేశారు.అలాగే ప్రపంచంలోని మహిళలందరికీ అంతర్జాతీయ మహిళా దినోత్సవ శుభాకాంక్షలు తెలియజేశారు.ఈ కార్యక్రమంలో మహిళా కాంగ్రెస్ డుంబ్రిగూడ మండల అధ్యక్షురాలు కొర్రమితుల కిషన్, కాంగ్రెస్ జిల్లా అధ్యక్షులు పాంగి గంగాధర్, ఓబీసీ అల్లూరి జిల్లా చైర్మన్ కన్నూరి ప్రవీణ్, మహిళా నాయకులు గుల్సన్ ఖాన్, కార్యకర్తలు మరియు గ్రామస్థులు పెద్ద సంఖ్యలో పాల్గొన్నారు.