1,100కు పైగా దంపతులతో సామూహిక శ్రీ సత్యసాయి సత్యనారాయణ వ్రతం..... భక్తిపారవశ్యంతో పులకించిన ప్రశాంతి నిలయం


పుట్టపర్తి :విశాఖ సందేశం వర్తవాహని: నవంబర్ 18, 2026భగవాన్ శ్రీ సత్యసాయి బాబా వారి దివ్య ఆశీస్సులతో, కొనసాగుతున్న శతజయంతి ఉత్సవాల్లో భాగంగా నేడు ఉదయం ప్రశాంతి నిలయంలో పవిత్రమైన శ్రీ సత్యసాయి సత్యనారాయణ వ్రతం అత్యంత భక్తిశ్రద్ధలతో నిర్వహించబడింది. కృతజ్ఞత, విశ్వాసం, భక్తి భావాలకు అపూర్వమైన ప్రతిరూపంగా నిలిచిన *ఈ సామూహిక వ్రతంలో ప్రపంచవ్యాప్తంగా వివిధ ప్రాంతాల నుంచి విచ్చేసిన 1,100 మందికి పైగా దంపతులు పాల్గొన్నారు.*


పవిత్ర మంత్రోచ్ఛారణలు, వేదమంత్రాల నడుమ సంప్రదాయబద్ధంగా నిర్వహించిన పూజా కార్యక్రమాలు, అనంతరం భక్తిశ్రద్ధలతో ఆలకించిన సత్యనారాయణ వ్రత కథ సాయి కుల్వంత్ సభా మందిరాన్ని గాఢమైన భక్తిభావంతో, ఆధ్యాత్మిక పవిత్రతతో నింపాయి.


ప్రత్యేకంగా, *భగవాన్ వారి జన్మనామమైన సత్యనారాయణ రాజు గారిని స్మరించుకుంటూ నిర్వహిస్తున్న వారం రోజుల వేడుకలు ఈ పవిత్ర వ్రతంతోనే ప్రారంభమయ్యాయి.* 


భగవాన్ వారి దివ్య అవతార లక్ష్యం, దైవిక సందేశం, ఆధ్యాత్మిక జీవన సారాన్ని ప్రతిబింబిస్తూ ఈ పవిత్ర కార్యక్రమం భక్తులకు అపూర్వమైన ఆధ్యాత్మిక అనుభూతిని అందించింది.

Post a Comment

0 Comments