శ్రీ శ్రీ వరాహ నరసింహ స్వామి వారి దేవస్థానం సింహాచలం. ​సింహాచలం శ్రీ వరాహ లక్ష్మీనరసింహ స్వామి వారికి 71 గ్రాముల బంగారు ఆభరణాల శ్రీసమర్పణ



సింహాచలం :తేదీ: 20-11-2026  ప్రముఖ పుణ్యక్షేత్రమైన సింహాచలం శ్రీ వరాహ లక్ష్మీనరసింహ స్వామి వారి దేవస్థానానికి విశాఖపట్నం గాజువాక, కు చెందిన భక్తురాలు శ్రీమతి ఎస్. లక్ష్మీ దుర్గేశ్వరి  విలువైన బంగారు కానుకను సమర్పించారు.

​శుక్రవారం ఆలయానికి విచ్చేసిన దాత, మొత్తం 71 గ్రాముల బరువు గల లాకెట్లతో కూడిన 3 బంగారు చైన్లను (వరుసగా 26 గ్రాములు, 24 గ్రాములు, 21 గ్రాములు) స్వామివారికి కానుకగా అందజేశారు.

 ఈ బంగారు ఆభరణాలను ఆలయ కార్యనిర్వహణాధికారి  శ్రీ జల్లేపల్లి వెంకట్రావు కి, డిప్యూటీ ఎగ్జిక్యూటివ్ ఆఫీసర్  శ్రీమతి సింగం రాధ కి మరియు సహాయ కార్యనిర్వహణాధికారి శ్రీ పిల్లా శ్రీనివాసరావు కి దాత స్వయంగా అందజేశారు.

​అనంతరం దాతకు ఆలయ అధికారులు స్వామివారి ప్రత్యేక దర్శనం కల్పించారు. దర్శనానంతరం వేద పండితులు దాతకు వేద ఆశీర్వచనం అందజేయగా, అధికారులు శేష వస్త్రంతో సత్కరించి స్వామివారి  ప్రసాదాలను అందజేశారు.

Post a Comment

0 Comments