సింహాచలం తేదీ 13 నవంబర్ 2026 : ఆస్ట్రేలియాలోని మోనాష్ యూనివర్సిటీ, సివిల్ ఇంజనీరింగ్ విభాగం ప్రొఫెసర్ శ్రీ మోహన్ యెల్లిశెట్టి నేడు శ్రీ వరాహ లక్ష్మీ నరసింహ స్వామి వారిని దర్శించుకున్నారు.
ఆలయానికి విచ్చేసిన వీరికి ఆలయ కార్యనిర్వహణాధికారి శ్రీ జల్లేపల్లి వెంకట్రావు సాదర స్వాగతం పలికారు. ముందుగా ఆయన స్వామివారి కప్పస్తంభాన్ని ఆలింగనం చేసుకుని, అనంతరం శ్రీ స్వామివారిని భక్తిశ్రద్ధలతో దర్శించుకున్నారు.దర్శనానంతరం ఆలయ వేద పండితులు వీరికి వేదాశీర్వచనం అందజేశారు. తదుపరి ఆలయ కార్యనిర్వహణాధికారి శ్రీ జల్లేపల్లి వెంకట్రావు ప్రొఫెసర్ మోహన్ యెల్లిశెట్టి కి శేషవస్త్రంతో సత్కరించి, స్వామివారి ప్రసాదాలను మరియు జ్ఞాపికగా స్వామివారి చిత్రపటాన్ని బహూకరించారు.


0 Comments