విశాఖపట్నం: మానవతా విలువలతో కూడిన ఉన్నతమైన విద్యను అభ్యసించడంతో పాటు, పర్యావరణ పరిరక్షణ పట్ల బాధ్యతను పెంపొందించుకుంటూ శ్రీ సత్యసాయి విద్యా విహార్ స్కూలు విద్యార్థులు ఆదర్శంగా నిలుస్తున్నారు.
గత పది సంవత్సరాలకు పైగా శ్రీ సత్యసాయి విద్యా విహార్ విద్యార్థులు ఈ పర్యావరణహిత కార్యక్రమాన్ని నిరంతరంగా నిర్వహిస్తున్నారు. ప్రతి సంవత్సరం సుమారు 300 మట్టి గణేశ విగ్రహాలను విద్యార్థులు స్వయంగా తయారు చేయడం విశేషం.
మట్టి గణేశ విగ్రహాల వినియోగం ద్వారా పర్యావరణ పరిరక్షణకు ప్రాధాన్యత ఇవ్వడంతో పాటు, ప్రకృతి పట్ల ప్రేమ, సామాజిక బాధ్యత, సేవాభావం వంటి విలువలను విద్యార్థుల్లో పెంపొందించడమే ఈ కార్యక్రమం ప్రధాన ఉద్దేశం.
“విద్య అంటే కేవలం జ్ఞానాన్ని పొందడం కాదు… మానవతా విలువలతో పాటు ప్రకృతిని ప్రేమించి, సంరక్షించే బాధ్యతను నేర్చుకోవడం కూడా.”
శ్రీ సత్యసాయి విద్యా విహార్ విద్యార్థుల ఈ పర్యావరణహిత కార్యక్రమం “ప్రేమతో సేవ – బాధ్యతతో పరిరక్షణ” అనే సందేశాన్ని సమాజానికి అందిస్తోంది.
0 Comments