ఆంధ్రవిశ్వవిద్యాలయం, ఆగస్టు 27:వ్యవహారిక భాషోద్యమ పితామహాలు, భాషాతపస్వి "కళాప్రపూర్ణ" శ్రీ గిడుగు వేంకట రామమూర్తి 163వ జయంతిని పురస్కరించుకుని గురువారం ఆంధ్ర విశ్వకళా పరిషత్ తెలుగు శాఖ సమావేశ మందిరంలో తెలుగు భాషాదినోత్సవ వేడుకలు ఘనంగా జరిగాయి. పద్మ భూషణ్ ఆచార్య యార్లగడ్డ లక్ష్మీ ప్రసాద్, తెలుగు శాఖాధిపతి ఆచార్య జర్రా అప్పారావు గిడుగు వేంకట రామమూర్తి గారి చిత్రపటానికి పూలమాలలు వేసి నివాళులు అర్పించారు.
తెలుగు శాఖ బోర్డు ఆఫ్ స్టడీస్ ఛైర్మన్ ఆచార్య నల్లా సత్యనారాయణ మాట్లాడుతూ తెలుగు శాఖలో గిడుగు రామమూర్తి వంటి మహానుభావులు జయంతి జరుపుకోవడం చాలా ఆనందంగా ఉన్నదన్నారు. ఇటువంటి సమావేశాలు జరగడం వలన విద్యార్థులకు ఎంతో మేలు జరుగుతుందని అన్నారు.
ఆచార్య గజ్జ యోహాన్ బాబు మాట్లాడుతూ గిడుగు రామమూర్తి పంతులు వలన ఈ సమాజం చైతన్యవంతం అయినది అని చెప్పారు అంతేకాకుండా సవర భాష మీద వ్యవహారిక భాష మీద తాను కృషి చేయడమే కాకుండా గ్రాంథిక భాషా వాదుల లోపాలను కూడా చెప్పారు .
డా॥ మరడాన సుబ్బారావు మాట్లాడుతూ వ్యవహారిక భాష గురించి, సవర భాష గురించి ,ఆయన చేసినటువంటి సేవ జీవితంలో మరిచిపోలేనిది .అంతేకాకుండా గ్రాంథిక వాదులతో పోరాడి వ్యవహారిక భాషను ప్రజల దగ్గరికి చేర్చినటువంటి మహానుభావుడు గిడుగు రామమూర్తి పంతులు అని అన్నారు సవర భాష కోసం ఎనలేని సేవ చేశారని అంతేకాకుండా సవర భాషలో వాచకాలు, పాటలు, నిఘంటువులు కూడా చేశారని సుబ్బారావు గారు అన్నారు. సవర భాష మీద అంతర్జాతీయమైనటువంటి పరిశోధన చేసినటువంటి వారు గిడుగు రామమూర్తి పంతులు గారిని ప్రశంసించారు.
ఆర్ట్స్ కళాశాల పూర్వ ప్రిన్సిపాల్ ఆచార్య అడ్డాడ నరసింహారావు గారు, డా. చంద్రశేఖర రావు గారు మాట్లాడారు.
అంతర్జాతీయ విద్యార్థి వివేక్ కవిత చదివారు. ఈ కార్యక్రమంలో తెలుగు శాఖ అధ్యాపకులు డా. ఎం. కృష్ణవేణి, డా. ఎం.దాసు, డా.బి.సూర్యనారాయణ, డా. ఎం.ప్రతాప్, డా.పి.శ్రీనివాసరావు, డా. ఎల్.గిరీష్ కుమార్, డా.ఆర్.శివయ్య, ఎం. ఏ. తెలుగు పూర్వవిద్యార్థి, ప్రముఖ జర్నలిస్ట్ గంట్ల శ్రీనుబాబు,పితాని ప్రసాద్ మరియు సాహితీవేత్తలు, పుర ప్రముఖులు, భాషాభిమానులు, పరిశోధకులు, విద్యార్థులు పాల్గొన్నారు.
0 Comments