విశాఖపట్నం:* హెపటోబ్లాస్టోమా (చిన్నారుల్లో ప్రధానంగా కనిపించే కాలేయ క్యాన్సర్)తో బాధపడుతున్న ఏడాదిన్నర వయసున్న ఒరిస్సాకి చెందిన చిన్నారి ఉదిత్ గుమాంగ్ , జగదాంబ జంక్షన్ లో ఉన్న మెడికవర్ ఉమెన్ & చైల్డ్ హాస్పిటల్లో క్లిష్టమైన కాలేయ శస్త్రచికిత్సను ఆగష్టు నెలలో వైద్య బృందం విజయవంతంగా నిర్వహించింది.
చిన్నారిని సీనియర్ పీడియాట్రీషియన్ డా. గరుడ రమ పర్యవేక్షణలో చికిత్స అందించారు. వైద్య పరీక్షల్లో కాలేయం కుడి భాగంలో పెద్ద పరిమాణంలో కణితి ఉన్నట్లు గుర్తించారు. దీంతో కణితి ఉన్న కాలేయం కుడి భాగాన్ని తొలగించాల్సిన అవసరం ఏర్పడింది.
వివరమైన వైద్య పరీక్షలు, మల్టీడిసిప్లినరీ వైద్య బృందం సమగ్ర ప్రణాళిక అనంతరం రైట్ హెపటెక్టమీ (Right Hepatectomy) శస్త్రచికిత్సను నిర్వహించారు. ఈ ప్రక్రియలో కణితి ఉన్న కాలేయం కుడి భాగాన్ని పూర్తిగా తొలగిస్తూ, చిన్నారి శరీరానికి అవసరమైన ఆరోగ్యకరమైన కాలేయ భాగాన్ని సంరక్షించారు.
ఈ క్లిష్టమైన శస్త్రచికిత్సను సర్జికల్ ఆంకాలజిస్ట్ & రోబోటిక్ సర్జన్ డా. కార్తిక్ చంద్ర వల్లం, పీడియాట్రిక్ సర్జన్ డా. పరశురామ్ కలిసి నిర్వహించారు.
ఏడాదిన్నర వయసున్న చిన్నారికి ఇలాంటి ప్రధాన కాలేయ శస్త్రచికిత్స చేయడం అత్యంత సవాలుతో కూడుకున్నది. చిన్నారి శరీర పరిమాణం, కాలేయంలోని సున్నితమైన రక్తనాళాలు, చిన్నారి శరీరంలో రక్త పరిమాణం తక్కువగా ఉండటం వంటి అంశాలను దృష్టిలో ఉంచుకుని రక్తస్రావాన్ని సాధ్యమైనంత వరకు తగ్గిస్తూ కణితిని పూర్తిగా తొలగించడం అవసరం. వైద్య బృందం అత్యంత జాగ్రత్తగా శస్త్రచికిత్సను పూర్తి చేయడంతో రక్తస్రావం చాలా తక్కువగా ఉండి, చిన్నారి శస్త్రచికిత్స అనంతరం సాఫీగా కోలుకుంది.
ఈ విజయవంతమైన చికిత్సలో పీడియాట్రిక్ అనస్థీషియా, క్రిటికల్ కేర్ విభాగాల సహకారం కీలకంగా నిలిచింది. డా. సాహిత్య శస్త్రచికిత్స సమయంలో ప్రత్యేక అనస్థీషియా సేవలను అందించగా, డా. గరుడ రమ చిన్నారి శస్త్రచికిత్సకు ముందు మరియు అనంతరం వైద్య సంరక్షణను పర్యవేక్షించారు. డా. విజయ్ కృష్ణ మరియు డా. వి. ప్రదీప్ లు కూడా చిన్నారి పీడియాట్రిక్ కేర్లో సహకరించారు. సర్జికల్, అనస్థీషియా, పీడియాట్రిక్ మరియు క్రిటికల్ కేర్ బృందాల సమన్వయంతో ఈ క్లిష్టమైన శస్త్రచికిత్స విజయవంతమైంది.
*హెపటోబ్లాస్టోమా గురించి*హెపటోబ్లాస్టోమా చిన్నారుల్లో కనిపించే అత్యంత సాధారణ ప్రాథమిక కాలేయ క్యాన్సర్లలో ఒకటి. దీని చికిత్సలో సాధారణంగా కీమోథెరపీతో పాటు, కణితిని సాధ్యమైనంత పూర్తిగా శస్త్రచికిత్స ద్వారా తొలగించడం ముఖ్యమైన భాగంగా ఉంటుంది. కణితిని పూర్తిగా తొలగించడం సాధ్యమైన సందర్భాల్లో, క్యాన్సర్ను నయం చేసే ఉద్దేశంతో చేపట్టే చికిత్సలో ఇది కీలక పాత్ర పోషిస్తుంది.
*డా. కార్తిక్ చంద్ర వల్లం మాట్లాడుతూ:*ఏడాదిన్నర వయసున్న చిన్నారికి ప్రధాన కాలేయ భాగాన్ని తొలగించే శస్త్రచికిత్స చేయడం ఎంతో సవాలుతో కూడుకున్న ప్రక్రియ. కణితిని పూర్తిగా తొలగించడంతో పాటు, అవసరమైన ఆరోగ్యకరమైన కాలేయాన్ని సంరక్షించడం మరియు రక్తస్రావాన్ని కనిష్ఠ స్థాయిలో ఉంచడం మా ప్రధాన లక్ష్యం. శస్త్రచికిత్స విజయవంతంగా పూర్తయింది, రక్తస్రావం కూడా చాలా తక్కువగా ఉంది. ఇది మొత్తం వైద్య బృందం సమిష్టి కృషి. డా. పరశురామ్తో పాటు డా. సాహిత్య, డా. గరుడ రమ మరియు పీడియాట్రిక్ అనస్థీషియా, క్రిటికల్ కేర్ బృందాల సహకారాన్ని ప్రత్యేకంగా అభినందిస్తున్నాను. చిన్నారి సురక్షితమైన శస్త్రచికిత్స మరియు త్వరితగతిన కోలుకోవడంలో వారి సమన్వయం ఎంతో కీలకంగా నిలిచింది.”
విశాఖపట్నంలోనే క్లిష్టమైన చిన్నారుల క్యాన్సర్ శస్త్రచికిత్సలు, ప్రధాన కాలేయ శస్త్రచికిత్సలు, పీడియాట్రిక్ అనస్థీషియా మరియు క్రిటికల్ కేర్ వంటి ప్రత్యేక వైద్య సేవలు అందుబాటులో ఉండటం ద్వారా, ఇలాంటి సంక్లిష్ట కేసులకు పిల్లలు తమ ప్రాంతానికి సమీపంలోనే సమగ్ర చికిత్స పొందే అవకాశం కలుగుతోంది.
*శస్త్రచికిత్స బృందం:*
డా. కార్తిక్ చంద్ర వల్లం – సర్జికల్ ఆంకాలజిస్ట్ & రోబోటిక్ సర్జన్
డా. పరశురామ్ – పీడియాట్రిక్ సర్జన్,
పీడియాట్రిక్ అనస్థీషియా & క్రిటికల్ కేర్
డా. సాహిత్య – అనస్థీషియాలజిస్ట్
డా. గరుడ రమ – పీడియాట్రీషియన్
డా. విజయ్ కృష్ణ – పీడియాట్రీషియన్
డా. వి. ప్రదీప్ - మెడికల్ ఆంకాలజిస్ట్
*మెడికవర్ ఉమెన్ & చైల్డ్ హాస్పిటల్, జగదాంబ, విశాఖపట్నం*
0 Comments