శ్రీ సత్య సాయి ప్రేమ సదన్ మందిరం లో శ్రీ మహిషాసుర మర్ధిని గా అమ్మవారి దివ్య దర్శనం-అత్యంత వైభవంగా జరుగుతున్న దసరా పాంచరాత్ర (5 రోజుల )మహోత్సవములు*

విశాఖపట్నం:విశాఖ సందేశం వార్తా వాహిని :ఎం వి పి కాలనీ లోని శ్రీ సత్య సాయి ప్రేమ సదన్ మందిరం లో దసరా పాంచరాత్ర మహోత్సవాల్లో  భాగంగా  ఈ రోజు  శ్రీ  మహిషాసుర మర్ధిని గా అమ్మ వారిని ఆవాహనం చేసి  భక్తులు  పూజించారు.  

భక్తిశ్రద్ధలతో శ్రీ  దుర్గా దేవికి  మహిషాసుర మర్ధిని  సహస్ర నామార్చన , అష్టోత్తరంతో మహిళా  భక్తులు పూజలు చేశారు. ఈ సందర్భంగా కొందరు నిరుపేద మహిళలకు చీరలు, శ్రీ సత్య సాయి  అమృత కళశాలు( ఒక నెలకు సరిపడా కిరాణా సామానులు ) కూడా  అందించారు 

అనంతరం బాలల, సువాసిని పూజ జరిపారు. ఇందులో చిన్నారులకు, పెద్ద వారికి శ్రీ దుర్గా మాతగా భావించి  పూజలు చేశారు.  తరువాత నీరాజన మంత్రం పుష్పములు ఇచ్చాక , శ్రీ దుర్గా దేవికి మంగళ హారతి తో ఈ రోజు ఉదయం పూజలు ముగిసాయి.  ఈ పూజల్లో అనేక మంది మహిళలు భక్తి శ్రద్దలతో పాల్గొన్నారు. 

పూజా కార్యక్రమాన్ని విశాఖ జిల్లా మహిళా ఆధ్యాత్మిక సమన్వయకర్త శ్రీమతి రాధా సత్యవరపు ,  పండితులు శ్రీ భాస్కర శర్మ,  వేదం ఇంచార్జి శ్రీ సుబ్రహ్మణ్యం  నిర్వహించారు.

ఈ కార్యక్రమం లో  శ్రీ సత్య సాయి సేవా సంస్థల  విశాఖ జిల్లా అధ్యక్షులు శ్రీ పి ఆర్ ఎస్ యెన్ నాయుడు బాలా త్రిపుర సుందరి ,  సిటీ సేవా సమితి కన్వీనర్ శ్రీ బి సాయికుమార్ , ఇతర పదాధికారులు, అనేక మంది భక్తులు భక్తితో పాల్గొన్నారు.