విశాఖపట్నం: సెయింట్ జోసెఫ్స్ కాలేజ్ ఫర్ ఉమెన్‌లోని రాజనీతి శాస్త్ర విభాగం ఆధ్వర్యంలో ‘వోక్స్ పాప్–2K26 – Voice of the People’ అకడమిక్ ఈవెంట్‌ను 30 సెప్టెంబర్ 2026న నిర్వహించనున్నారు. ఈ కార్యక్రమానికి సంబంధించిన బ్రోచర్‌ను కళాశాల ప్రిన్సిపాల్ డా. సిస్టర్ షైజీ పి.డి. శుక్రవారం ఆవిష్కరించారు.
ఈ సందర్భంగా ప్రిన్సిపాల్ మాట్లాడుతూ, విద్యార్థుల్లో ప్రజాస్వామ్య విలువలు, భావవ్యక్తీకరణ స్వేచ్ఛ, చర్చా సంస్కృతి, సమకాలీన రాజకీయ అంశాలపై అవగాహన పెంపొందించడంతో పాటు, తమ ఆలోచనలను స్వేచ్ఛగా వ్యక్తీకరించేందుకు వేదిక కల్పించడమే ఈ కార్యక్రమం ప్రధాన ఉద్దేశ్యమని తెలిపారు.
ఈ కార్యక్రమంలో రాజనీతి శాస్త్ర అధ్యాపకులు జె. రామారావు, సుస్మితా దాస్, అలాగే ప్రథమ, ద్వితీయ, తృతీయ సంవత్సరాల రాజనీతి శాస్త్ర విద్యార్థినులు పాల్గొన్నారు. వివిధ కళాశాలల నుంచి విద్యార్థులు పెద్ద సంఖ్యలో పాల్గొని ఈ కార్యక్రమాన్ని విజయవంతం చేయాలని నిర్వాహకులు కోరారు.
0 Comments