విశాఖపట్నం- విశాఖ సందేశం వార్తా వాహిని -సెయింట్ జోసెఫ్ మహిళా కళాశాల గణితశాస్త్ర & గణాంక విభాగం ఆధ్వర్యంలో “మ్యాత్ మస్తి 2K26” అంతర్ కళాశాల ఉత్సవం అక్టోబర్ 1న ఘనంగా నిర్వహించారు.
ప్రిన్సిపాల్ డా. సిస్టర్ షైజి పి.డి. కార్యక్రమాన్ని ప్రారంభించారు. పూర్వ విద్యార్థిని, YSP ప్రాజెక్ట్ ఇంప్లిమెంటేషన్ మేనేజర్ & ట్రైనర్ శ్రీమతి ఆంథోని మార్గరేట్ జీన్స్ ప్రారంభోత్సవానికి, పూర్వ బోటనీ విభాగాధిపతి డా. కె. మణిక్య కుమారి ముగింపు కార్యక్రమానికి ముఖ్య అతిథులుగా హాజరయ్యారు.
ఆంధ్ర విశ్వవిద్యాలయంతో పాటు 54 కళాశాలల నుంచి 154 మంది విద్యార్థులు పాల్గొన్నారు. మ్యాత్ బింగో, పజిల్ చాలెంజ్, నంబర్ చైన్, రాపిడ్ ఫైర్ మ్యాత్స్, మ్యాత్ డైస్ వంటి పోటీలు విద్యార్థుల్లో గణితంపై ఆసక్తిని, సృజనాత్మక ఆలోచనను పెంపొందించాయి. ఫుడ్, ఆభరణాల స్టాల్స్ ఉత్సవానికి ప్రత్యేక ఆకర్షణగా నిలిచాయి.
ముగింపు కార్యక్రమంలో విజేతలకు సర్టిఫికెట్లు, బహుమతులు అందజేశారు. విద్య, సృజనాత్మకత, వినోదాన్ని సమన్వయం చేసిన ఈ ఉత్సవం “Quality and Excellence – Hallmark of St. Joseph” అనే స్ఫూర్తిని ప్రతిబింబించింది.
ఈ కార్యక్రమంలో వైస్ ప్రిన్సిపాల్ డా. సిస్టర్ హేమ, కన్వీనర్ మరియు గణితశాస్త్ర & గణాంక విభాగాధిపతి డా. కెప్టెన్ కె. సుజాత, అధ్యాపకులు డా. గౌరి, డా. సౌజన్య, యోజన, లక్ష్మి, శ్రీరామ్, సునీత చౌదరి, భారతి, జ్యోతి పాల్గొన్నారు.
0 Comments