విశాఖపట్నం రైల్వే స్టేషన్‌లో స్వచ్ఛతా హి సేవా అవగాహన కార్యక్రమం

విశాఖపట్నం, సెప్టెంబర్ 27: స్వచ్ఛతా హి సేవా (SHS) అవగాహన కార్యక్రమంలో భాగంగా విశాఖపట్నం రైల్వే స్టేషన్‌లో రన్నింగ్ రూమ్ సిబ్బంది, ఆహార విక్రేతలు, ప్రయాణికులకు స్వచ్ఛతపై అవగాహన కార్యక్రమం నిర్వహించారు.

ఈ కార్యక్రమంలో  శ్రీ K. రామారావు, ADRM;  శ్రీ గౌరవ్, DME (EnHM);   శ్రీ సంచయ్ DEE/OP పాల్గొని సిబ్బంది, ఆహార విక్రేతలు మరియు ప్రయాణికులతో మమేకమై స్వచ్ఛత, పరిశుభ్రత ప్రాముఖ్యతను వివరించారు.

ఆహార విక్రేతలు మరియు ఆహారాన్ని నిర్వహించే సిబ్బందికి వ్యక్తిగత పరిశుభ్రత, చేతులను శుభ్రంగా ఉంచుకోవడం, పరిశుభ్రమైన పద్ధతుల్లో ఆహారాన్ని తయారు చేయడం, సురక్షితమైన ఆహార నిర్వహణ విధానాలను పాటించడం వంటి అంశాలపై అవగాహన కల్పించారు. అలాగే ఆహారం తయారు చేసే మరియు వడ్డించే ప్రాంతాలను ఎల్లప్పుడూ పరిశుభ్రంగా ఉంచుకోవాలని సూచించారు.

ఈ సందర్భంగా ప్రయాణికులతో కూడా అధికారులు మాట్లాడి, రైల్వే స్టేషన్ పరిసరాల పరిశుభ్రతను కాపాడటంలో ప్రతి ఒక్కరూ భాగస్వాములు కావాలని సూచించారు. చెత్తను ఎక్కడపడితే అక్కడ వేయకుండా, ఏర్పాటు చేసిన చెత్త బుట్టలను మాత్రమే వినియోగించాలని విజ్ఞప్తి చేశారు.

స్వచ్ఛతను కేవలం ఒక కార్యక్రమంగా కాకుండా నిత్య జీవితంలో భాగంగా చేసుకోవాలని, పరిశుభ్రమైన రైల్వే పరిసరాల నిర్వహణకు ప్రయాణికులు, సిబ్బంది మరియు విక్రేతలు సమిష్టిగా సహకరించాలని అధికారులు పిలుపునిచ్చారు.