విశాఖపట్నం :విశాఖ సందేశం వార్తా వాహిని: పండుగల సీజన్ ప్రారంభం కావడంతో పాటు ప్రయాణికుల రద్దీ అధికంగా ఉండే సమయాల్లో వారి సురక్షితమైన, సౌకర్యవంతమైన రాకపోకలను నిర్ధారించేందుకు దక్షిణ కోస్తా రైల్వే (SCoR) ప్రధాన రైల్వే స్టేషన్లలో రద్దీ నియంత్రణ చర్యలను మరింత పటిష్ఠం చేసింది.
దక్షిణ కోస్తా రైల్వే జనరల్ మేనేజర్ శ్రీ సందీప్ మాథుర్ మార్గదర్శకత్వంలో, ప్రయాణికుల రద్దీని నియంత్రించడం, రైళ్లలోకి క్రమబద్ధంగా ఎక్కేలా చూడటం, స్టేషన్లలో ప్రయాణికుల భద్రతను మెరుగుపరచడం లక్ష్యంగా వాణిజ్య విభాగం, రైల్వే రక్షక దళం (RPF), ఆపరేటింగ్ విభాగం, ఇతర సంబంధిత రైల్వే అధికారులు సమన్వయంతో చర్యలు చేపడుతున్నారు.
రద్దీ ఎక్కువగా ఉండే ప్రాంతాలను గుర్తించి, నిరంతరం పర్యవేక్షించేందుకు ప్రత్యేక బృందాలను ఏర్పాటు చేస్తున్నారు. రద్దీ నియంత్రణ ఏర్పాట్లు సమర్థవంతంగా అమలవుతున్నాయో లేదో నిర్ధారించేందుకు సీసీటీవీ కెమెరాల ద్వారా నిఘా కొనసాగించడంతో పాటు, సీనియర్ రైల్వే అధికారులు ఆకస్మిక తనిఖీలు నిర్వహిస్తూ, అవసరమైన సూచనలు జారీ చేస్తున్నారు.
0 Comments