తూర్పు నియోజకవర్గం 22వవార్డులో ఎన్నికల ప్రచారం జోరుగా సాగుతోంది. ఆదివారం జరిగిన ఎన్నికల ప్రచారంలో కూటమి అభ్యర్ధి గొలగాని మంగవేణి తరుపున వీఎంఆర్‌డీఏ ఛైర్మన్‌ ఎంవీ ప్రణవ్‌గోపాల్‌ ప్రచారంలో పాల్గొన్నారు. ఆదివారం ఉదయం నుంచి ఎంవీపీకాలనీ సెక్టారు-6, సెక్టారు-2ల్లో ఆయన తెదేపా అభ్యర్ధిని గొలగాని మంగవేణితో కలిసి ఇంటింటికి వెళ్లి ఓటర్లను కలిశారు. స్ధానిక సమస్యల పరిష్కారానికి కూటమి అభ్యర్ధులను గెలిపించాలని కోరారు. కూటమి ప్రభుత్వహాయంలో విశాఖనగరంలో జరిగిన అభివృద్దిని వివరించారు. తూర్పు నియోజకవర్గంలో ఎమ్మెల్యే వెలగపూడి రామకృష్ణబాబు హాయంలో అభివృద్దితో పాటు సంక్షేమానికి అధిక ప్రాధాన్యత ఇవ్వటం జరిగిందన్నారు.
0 Comments